अहिराणी होळी कविता (Ahirani Holi Poem)

काय व्हयी करतस अहिराणी होळी कविता

काय व्हयी करतस
झायी झाडेसनी कमी
माय धरनी हापसं
हवा पानीनी बी कमी
      नही तिसं बी भागसं॥धृ॥
देखा धरती धपसं
काय व्हयी करतसं
हिना हिरदाम्हा आग
       व्हयी आखो वाढावसं॥१॥
हिनासाठी पुरननी
बठ्ठा  पोयी करतसं
व्हस व्हयीना ती घास
         आन्न व्हयीम्हा बयसं॥२॥
बयी ऊनम्हा तानम्हा
देखा घाम रे गायसं
अरे तव्हयच आम्ही
            पिक पानी देखतसं॥३॥
देखा हात जोडीसनी
हायी बहिना सांगसं
बठ्ठासना जीवननी
           देखा मंग व्हयी व्हसं॥४॥
पानकाय ना दिनम्हा
पानी पानी करतसं
पानीसाठी एक एक
             देखा जीव तरससं॥५॥
        अहिराणी कवीता व्हवो येनं शिवबानं
शब्दसृष्टी, प्लाॅट नं ७ अ, नारायण नगर, धरणगांव चौफुली रोड, एरंडोल जिल्हा जळगांव.
दूरध्वनी क्र. :-९३७१९०२३०३.

अहिराणी होळी कविता
अहिराणी होळी कविता

   

सन उना रे व्हयीना

       सन उना रे व्हयीना
बारा महिनाम्हा उना
उना फाल्गुन महिना
उना फाल्गुन महिना
        संगे व्हयी लयी उना॥धृ॥
सन उना सन उना
सन उना रे व्हयीना
उब्या कराले हौ उना
         पिडा रोग ना राईना॥१॥
हिव इसराले उना
हाऊ सन से उब्याना
पन कीव करा यानी
         झाडे तोडाले बी उना॥२॥
झाडे तोडीसनी उब्या
नका करु रे व्हयीना
हात जोडीसनी देखा
           हायी सांगस बहिना ॥३॥
म्हौरे दिन से पानीना
देख पानी बी येयीना
झाडे झुडे वनराई
        पानी तठेच पडी ना॥४॥
   निसर्गसखी सौ. मंगला मधुकर रोकडे.
शब्दसृष्टी, प्लाॅट नं ७ अ, नारायण नगर, धरणगांव चौफुली रोड, एरंडोल जिल्हा जळगांव.
दूरध्वनी क्र. ९३७१९०२३०३.

अहिराणी होळी कविता
अहिराणी होळी कविता

व्हयी चेटनी चेटनी       


     व्हयी चेटनी चेटनी                                                                        
उनी फाल्गुननी पुनी
हिना संगे उनी व्हयी
व्हयी चेटनी चेटनी
         आस आभायले गयी॥धृ॥
राजा वरुण तुले रे
देख बलावस भुई
नित मरस धरती
          तुले दिसस का नही॥१॥
आस मन्हाथिन मोठी
तिन्ही कर आत्ये घाई
देख पिकेसनी व्हस
           बारे दरसाल व्हयी॥२॥
देख धरती बसनी
तुन्हा कडे डोया लायी
जसा जंगलम्हा मोर
            नाच तसा थुई थुई॥३॥
व्हयी साठी करपनी
देखा खापरनी पोयी
व्हयी चेटनी व्हयीम्हा
         गोडी हिनी बयी जायी॥४॥
     निसर्गसखी सौ मंगला मधुकर रोकडे
शब्दसृष्टी, प्लाॅट नं.७अ, नारायणनगर, धरणगांव चौफुलीरोड, एरंडोल जि.जयगांव.
दूरध्वनी क्र. :-९३७१९०२३०३

Ahirani Holi Poem
अहिराणी होळी कविता