माले नई उमजस? ahirani language
माले नई आते उमजस,
देशमा काय चाली रहायन ?
बजबज पुरी फस फस ,
भ्रष्टाचार आनि भन भन १
हाड्या मोती खाई रहायना,
राजहंसले दानानी वनवन,
बेपारी नियामा चरी रहायना,
बइनी जथी तथी दानादान२
राजकारनिसना पोरे चार्टरमा,
गरीबना पोरे एसटीले पारखा,
विराटले रुपया कोटी कोटीमा,
आमना साधी बॅटले पोरका३
न्याय मरी जायल से,
न्याय कोल्हे मांगो,
निवाडावाला इकायेल से,
हाई येथा कोल्हे सांगो४
वांदरना हातमा कोलीत,
कोठे आग लागीन नेम नही,
बचानी जागा कोठे शोधूत?
बई जाऊ ते राकेलबी नही.५
रचनाकार
मझीसु✍️🌷 प्रा. मगन सूर्यवंशी
