ahirani kavita अहिरानी कवीता राम
अहिरानी कविता राम
राम
जो गायी घाम ,तेले भेटी राम ll ध्रु ll
फुकट ना धनवर
नजर नको ठेवू,
दुसरानी इस्टेट वर
ढूक नको ठेवू;
मेहनत करिसनी कर नेकीं न काम,
जो गायी घाम ,तेले भेटी राम ll१ll
रातोरात श्रीमंत
नही व्हस कोणीज;
लोभ नी दलदल मा
फस्तस अज्ञानी;
मोठ सप्पन देखीसनी
करु नको खोट काम
स्वार्थ ना बजार मां नको इकु ईमान
जो गायी घाम तेले भेटी राम! Il२ll
आपली जसी फाय फाय
तशी दुनिया नी से,
प्रत्येक न ढुंगणवर ठीगय से;
नको कोनले फसाडू
नको कोनले लुबाडू
हराम नी कमाई मां नहीं से राम
जो गायी घाम तेले भेटी राम ll३ll
कवी – सुधाकर भामरे, बडोदे गुजरात
