Ahirani boli kavita अतिक्रमण
Ahirani kavita
अतिक्रमण
कुठे टाकू आंगण मा खाट
गल्या होईग्यात दाट
कुठे टाकू आंगण मा खाट
व माय,, टाकू कुठे खाट
इतल पुढे नका बांधा
बैल गाड घुसाना होईग्यात वांधा
दिनभर करतस राम नाम
आंगण मा वाढावतस बांधकाम
नुसता हेवा दावा करतस
वरताई आंगणमा दगडे ठेवतस
दिनभर करतस हरीहरी
माज आंगणमा बांदतस मोरी
तेसनी देखो दादागिरी
गावोगावनि हाई कहाणी
जोतो करस मनमानी
कोण येसले आते नडी

लग्नना मंडप का दाभावर टाकना पडी
भजन कीर्तन खयामा ठेवण पडी
गलीमा देतस खाटा टाकी
घर माई देखतस वाकी वाकी,
काय नालाईक पणा धरा
नय येवावर आंगणमा लावंतस धुरा
कितलं सांगो घडीघडी
सार सामान का डोकावर सुकाडना पडी,
गावेगाव सेतस आढावू
गटार मा दगडे टाकतस भाऊ
पहीले गावमा घुसे कपासींनी गाडी
आते जातं नहीं बैंल गाडी,
कोणले बोलामा नही बढाई
सर्वासनी लेलंसे वाढाई,,
चालाले राहावं नहीं जागा
काय करणं से सांगा