मना गावनी क्रांती ahirani language words
सातवे अहिराणी कवी संम्मेलन धुये साठी
मना गावनी क्रांती
सगळा जण ठेवा शांती चहार्डी गावणी आयका क्रांती।
वाकडी तिकडी खिडकीमा चिडीना खोपा कपडा शिये आत्माराम शिपा
आत्माराम शिपानी फेकी सुई गावळ्या पाये झेंडा कुई
झेंडा कुईनी गावळी बरी अशोक भाऊसाहेब करेत दातनचिरी
अशोक भाऊसाहेबनी फेका कांदा दगडू भाऊसाहेबना सदा वांधा
दगडू भाऊसाहेबना बोलामा नही ठिकाण साहेबराव कानडेन दारुन दुकान
दारुन दुकान उघडे लेट दुकानावर बसना बोरकुंडकर प्रवीण शेठ
प्रवीण शेठनि लिधी कोबी कपडा धोये सुरेश धोबी
सुरेश धोबीनि तापाडी इस्तरी बांधकाम करे सुकलाल मिस्त्री
सुकलाल मिस्त्रीनी फेकी द उत हजामतकरे शिवाजी राउत
शिवाजी राउतनी फेका वस्तरा माधवराव सुकलाल ले उना पस्तावा
माधवराव सुखलालले लोकेसनी दिधी भर शेवट सरपंच झाया कडू सर
कडूसरनी लाव ग्रामपंचायतले अस्तर म्हणून डेपोटी सरपंच झाया खंडा मास्तर
खंडा मास्तरनी लिधा टोमा वना आप्पा मारे बोंमा
वना आप्पानी काढा दुधना फँट गुलाब चौधरीना हातमा सदा पत्तानी गँट
गुलाब चौधरी मारस गप्पा
गढीवर रहास बापु आप्पा
बापु आप्पानी आणी हिंमत लोटुनी जमनी जोडी,जिजाब नानानी लाल घोडी
लाल घोडीले टाकी चंदी ,चंदु पेंटरले कायम मंदी चंदु पेंटर करीन काय चहार्डीमा से कमयजा माय
कमयजा मायना मंदिरमा लावा लाईट,प्रकाश मराठेनी सट्टानी बीट
त्या बीटमा नही फायदा,ग्रामसेवकना नविन कायदा
ग्रामसेवकनी पंरी शाल,कैलास मेंबर व्हये लाल
कैलास मेंबर नी लावा पानले चुना ,रामा भटजी करे दणाणा
रामा भटजी नी खायी सुपारी,प्रताप नानानी अटकनी ऊधारी
प्रताप नानानी लावा गण,टपाल वाटस बडगे पोस्टमन
बडगे पोस्टमननी लिना ईय्या,तासा वाजे नवाज मिय्या
नवाज मिय्याना भलता मोठा प्रपंच,नारायण दामु माजी सरपंच
नारायण दामुनी हिम्मत पक्की,लोटन महाजन नी जुनी चक्की
लोटन महाजन नी चक्की भलती भारी,सोसायटी ना चेअरमन चंद्रकांत हारी
चंद्रकांत हरी नी लिना शेंगदाणा,गोरख सोग्राम ना तेलना घाणा
तेलना घाणानी मोठी किम्मत,एस.टी.मा नोकरीले लोटु मास्तरना हिम्मत
हिम्मत मोठाभाऊले लागे नही मानपान,झोपा महाजन ना हिरालाल बांधे पान
झोपा महाजनना हिरालालना पान ना पचका,दंगल महाराजले लागे मचका
दंगल महाराज नी काढी गाथा,तुमना चरणी मना माथा
श्री.संजीव गुलाबराव सोनवणे चाल्ली तालुका चोपड जिल्हा जयगाव
जय खानदेश
कवीसंमेलन 7 वे अखिल भारतीय अहिराणी संमेलन
