कोल्ली जमीन खानदेशनी अहिराणी कवीता

अहिराणी कवीता कोल्ली जमीन खानदेशनी

कोल्ली जमीन खानदेशनी

खानदेश नी जमीन से मनी पौथीर,
जस मनी गाय माताना गोमतिर l

पानिना गुंता सयसय बयस तीनी काया,
तरी काही येत नहीं देवबाप्पा ले दया l

झया उनन्या खायीसनी पडी गयात तिले भेगा,
असा कसा रे मेघ राजा देस तिले दगा l

जीव कसा बयस आमना मायले देखीसनी,
गावोगावन्या जमीन व्हतीस तर्रर पाणी पी सनी l

असा कोणी नहीं माय खानदेश ना लाल,
काठी झेलेसणी पाठवर करी जमीन ना उध्दार l

सरकार जे भी येस ते पाठ फिरावस,
खानदेश ना वाटा मां फुटी कवडी भी नहीं येस l

शपथ माटीनी ली सनी करूत समदा आगे कूच,
आवाज आपला एक करिनी सरकारले नमाडूत l
आवाज आपला एक करिनी सरकारले नमाडूत  ll 


         कवी -सुधाकर भामरे बडोदे गुजरात
                    ८.४.२०२४,मो 9313221919

अहिराणी कवीता
अहिराणी कवीता