गर्वान घर खाले
मानूसनी मानूसना संगे
वागो एक मतथीन…
नका करू मतभेद ऐकमेकमा
आयुष्य जगा हायी आनंनथीन…
शिकवन मानूसकीनी
राहू दे थोडीफार तुनामा…
एकलगुर्यानी वागणूकले
कोणीच बर म्हणत नही जगमा…!!
संकट मजार धाई येस
तोच खरा चमकता हिरा…
माणुसकीनी जान राहू दे अंगे
निष्ठुर मानूस आटना का तुना झरा…!!
लाख बांध महाल हवेली
शेवट कर्मच तुन्ह खाली राहणार शे…
सौंदर्य प्राॅपर्टीना लालची
सर्व काय हाई संगे नही जाणार शे…!!
माय बापना पोटी जन्म लिना
दया माया काबर नही तुना ह्रिदयमा….
दोन पैसे शिल्लक व्हयनात तुन जोडे
मोठा गर्वहिन झाया समाजमा..!!
बहिण भाऊ सगा सोयरा
कोनीच येत नही शेवटीले…
ईसरना तु रे भामटा मानूसकी
अर्थ उरेल शे का तुन्ह जगाले…!!
गर्वाना बोल नको बोलू
गर्व हरण रावणना झाया…
येस संकटना वारा चारी कडथीन
शेवटी मदतना करता करस कायावाया…!!
PSI विनोद बी.सोनवणे लंघाणेकर (धुळे)
दिनांक =१८-१२-२०२३
1 thought on “गर्वान घर खाले”
Comments are closed.