khandeshi ahirani kavita
संतशिरोमणी विश्वसंत, संत तुकाराम महाराजसना मोजकाच अभंगेसना दाखला दी सनी तुमीन ज्या शालजोडा हानेल सेतंस तसी अष्टाक्षरी रचना आजलगून मन्हा वाचाम्हान येयेलच नही से!
बरं झाया तुका बाबा!
ईवानम्हा तू बसी ग्या!!
तुन्हा आभंगले बोले!
तोच बिचारा फसी ग्या!!
आवढी मार्मिक टिका-टिपनी आजलगून कोन्ताच माईना लालनी करेल नसी!
निंदकाचे घर!
असावे शैजारी!!
ह्या अभंगावरनी तुम्हनी टिका एकदम नमुदबन करेल दखावस!
सध्या टिंगलिस्ना घरे!
ग्यात गल्लोगल्ली वाढी
व्हढे शेजारिस्ना पाय!
दिन्हा फर्याम्हाईन काढी!!
आसा भयान उपरोधात्मक विरोधाभास एकदम उच्च कोटिना से!
हारेक आष्टाक्षरी विचारपूर्वक रचेल दखावस!
आसा बाट्टोडस्ना माथे!
तूच हानू जाने काठी!!
कसं जमाडे तू सांग!!
दिसू खोबरानी वाटी!!
ह्या अफलातून अष्टाक्षरीना तोडले तोड आख्खा जग दुनियाम्हान कोठलीच कईता बठाव नही, हावू मन्हा दावा से!
बराच येळ व्हुई ग्या!
प्रकाशदादा खरोखरच एक प्रज्ञावंत आसा लेखक आन कवी सेत तुमीन!
आते लव्हकरी पुस्तक प्रकाशित करा राव तुमीन हात जोडीसनी सांगस तुम्हले
शिवाजी साळुंके, ‘किरन’
