Ahirani kavita
छुट्टी लागनी शायाले
आते करसुत मजा
लेक सांगस फिरानं
पप्पा टाकी द्याना रजा
काय लागस लावाले
जीभ उचली टायाले
पोटे पसारा वाढता
जीव लागनू बायाले
येनेयेने लयनं से
काम करो ते भागस
मन मारस मी रोज
बान हिरदे लागस
वज्जी शानी मन्ही लेक
मन्हं लेस मन जानी
कशी दिखस रे तिले
मन्हा डोयाम्हानं पानी
दुपारना भरे चिडा
फिरी येतस खोपाम्हा
लाख थापडस त्यास्ले
पन चित नै झोपाम्हा
छुट्टी एक पारगानी
त्यास्मा रवु मी रवन
कसा नादान व्हयना
शानासुरता मवन
लागी गयी माले चिंता
पोरे सोरेस्ना मी वाली
जून लागताच मन्हा
खिसा व्हई जाई खाली
पाटी पुस्तकनं काम
लागी जासू निवाराले
पानी पडताच बाप
पैसा मांगी बिवाराले
