दुतली khandeshi dialogue
दुतली…
पोरी भिंगोटीना गत
नको भुनभून करू
तेनी प्रगती चांगली
देखीसन नको झुरू…!!
बिन कामन्या उपाद्या
नको घर बसी लऊ
उगी मुगी बस रंभा
नको आते तान देऊ…!!
खणादानी लढाईना
तुले भलता से जोर
वटवट करी र्हास
तोंड से का मीटर…!!
नीट समाय जोजार
वाया जासी संसारमा
लाज सरम तू ठेव
उठी जाशी दुनियामा…!!
नही भ्यव तुले कोना
बठ्ठी इकी खादी लाज
थोडी बाईमा राय तू
तुले मोठी बाई खाज…!!
जेठा माठा तुना पुढे
काडी कचर सेतस
लाज इकी खाई गई
बठासले तू कोलस…!!
देखा दावाम मगम
तुच चिकनी चारानी
मोकी सोडेल से तुले
ऐरियामा भंगाडानी…!!
म्हने मी नही त्यातली
कडी लावस आतली
मोठी सिंडाय बावसी
एक नंबर दुतली…!!
भोया चेहरा देखामा
गुन्नी वड्डाय तोंडनी
खोटा आय लेवामा तू
तुच भंगार बोडानी…!!
✍️Psi विनोद सोनवणे धुळे
दिनांक = २२-०७-२०२५
