सोपं नयी बरं
सोपं नयी बरं !
खेत खेत काय करस खेत करनं सोपं नै !
खेत मा सट्टा लायी देख पिक पिकाडनं सोपं नै !
वावरमा टाकी बिवारं रोप उगाडनं सोपं नै !
महागं खत टाकीनी फवारा मारनं सोप नै !
पो-यागत पीक वाढायी नव पैरानं सोपं नै !
याजना पैसा काढीनी खेतमा लावनं सोपं नै !
खतनी थैली डोकावर लिस्नी गारा मा चालनं सोपं नै !
रात पहाट ले ईचु काटामा पाणी वायनं सोपं नै !
शेंगा बोंड कनिस भरेल सडताना देखनं सोप नै !
निंधी जाये तोंडना घास तव्हय आसु रोखनं सोपं नै !
राब राब राबिसनी भी भुक्या झोपनं सोपं नै !
नुकसान सहन करीनी जीवन जगनं सोपं नै !
कवी:-प्रकाश बि-हाडे
