राम ऊनात
व्दापार युगाना राम
कलीयुगमा इराजमान व्हयनात…
आयोध्या नगरी सजनी
नंदवने प्रभु राम अवतरनात…!!
सोहळा प्राण प्रतिष्ठाना
अहोकाल दिरंगाई व्हयनी…
प्रभु सियाराम राजान
येवानी खुशी हुई रायनी…!!
एक तत्वी राजा राम
संमधा लोकेसना मने….
हर्ष उत्साह चहू बाजूले
उनात राम सर्वासना ध्याने…!!
जय जय राम कृष्ण हरी
जय कार गगणी गुंजना…
वनवास शतयुगना
आज कलियुगमा सरना…!!
पतीत पावण श्री रघुनाथा
वाजत गाजत याव तुम्हीन…
आतुर तुमना येवानी
वाट देखतस सर्वा आम्हीन…!!
राजा रामना पाद स्पर्शान
आयोध्या नगरी पुण्य झायी…
दिवाईना सण ऊना
दिव दिवानी दिवाई हायी…!!
Psi विनोद बी.सोनवणे धुळे
दिनांक =२२-०१-२०२४
1 thought on “राम ऊनात”
Comments are closed.