कन्हेर कानबाई ahirani kanbai kavita
कन्हेर कानबाई…
भाग भल्लीना हाऊ श्रावण
देव देवताना रे आगमन
नट नटनी माय कानबाई
वाजा गाजत ऊनी मालण…!!
कन्हेर कानबाईना ना जोडा
मायले बसाले धव्या घोडा
मायले नेसाले लाल साडा
मायना चोईवर लावा फुल जोडा..!!
मायना कपाये मडवट भरा
डोये शोभे काजयनी कोर
मायनी जत्रा भरनी गावभर
माय मन्ही रमनी घटकाभर…!!
मायना बाजवट सजाडा भारी
निय्या आबांना सटाक सोडा
आमराई वनमा ऊभा कसा
मायना भरदार धव्या घोडा…!!
माय दोन दिननी पावनीन
मान तुना रोट भाजी भाकरना
लेक खान्देश माहेरवासीन तु
तुले थाट करू माय पुरन पुईना…!!
कानबाई लाडकोडनी माय
जशी ऊनी लेक माहेरले
नवलाई तुनी मोठी भारी
सुख शांती लाभो खान्देशले…!!
मायना दरबार लंघाणे गावमा
सोनवणे कुळना घरदारमा
वाड वडीलनी पुण्याईथीन
सदा हातभार लागो तुना सेवामा…!!
इळा पिळा टयो माय देवी
भोया हाऊ जगत पसारा
कर चुक भुल माप मनथीन
भेटो तुना मोठा आमले सहारा…!!
✍️Psi विनोद सोनवणे धुळे
दिनांक = २५-०७-२०२५
