कास अहिरानी वृत्तबद्ध रचना
कास
मन्हा भागम्हा देवबा कष्ट कितला! कसा आंत देखस मन्हा सांग इतला?
कसाले जलम तू दिन्हा हाउ खंतड!दिधा भार टाकी मन्हावरज कितला
जिमिन नागराना कटाया नही शे! पिकाडस कथा तू तिन्हाम्हान मुतला
सदा राब राबीसनी जीव बायस!इतर कोन राबस दुन्याम्हान इतला
मन्हावर कसा तू सदा राग काढस!पिकाडस जराखा करस नास कितला?
नही झोप लागस नही चैन जिवले! हुबा पीकम्हा रोग घालात कितला?
तुन्हा नावना मी करस जाप जितला!खरा न्याव तू देस का सांग तितला?
फुकट सातबारा गुताडी दिधा मी!मन्हा मालले भेटना भाव कितला?
किरन फास मी का गुताडस गयाम्हा? मन्हा जीवडाले दखा कास कितला!
शिवाजी साळुंके, ‘किरन‘
च्याईसगाव, जि. जयगाव.
