उना दिवाईना सन
॥श्री॥
घरघरम्हां आनंद….
उना दिवाईना सन घरघरम्हां आनंद
पक्का व्हतसं नाताना घट्ट नातानासंबंध…
हासीखुशी येतीजाती चार दिन त्या सुखना
जो तो पेलसं हो वझं कोन कोनले पुरना…
तोंडभरी हासीलेवो येरायेरले दखी लेवो
मंग रोजना जोजार.. सांगा कोनले सुटनां..
बहिनी येतीस जातीस चार दिन त्या ऱ्हातीस
सुखदु:ख चावयीन लागीजातीस त्या जोजारम्हां….
भासा डिकरा येतसं घर कितलं हाससं
गुईना लाडू नि सांजऱ्या बोकाना भरतंसं..
नऊवारीनी बहिन कशी लक्षुमी दिससं
ती येताज घर हो जसं हासाले लागसं…
मायबापले कौतिक देखी देखी पोटभरे
पुढला साले काय व्हयी नहीं माहित गुपित..
ओवायनी टाके भाऊ बहिन म्हनसं राहू दे
तुना संसार देखीनी भाऊ ऱ्हास मी निचित ..
माय नि ती शिदोरी मंग बहिन संगे लई जास
तोंडम्हां टाकता टाकता माय समोर दिससं..
दिन दिन याद करो आठवनी दाटतीस
गई दिवाई व माय आते आखाजी दिससं…
प्रा.सौ.सुमती पवार नाशिक
(९७६३६०५६४२)
दि : ३१ ॲाक्टोबर २०२४
वेळ: सकाळी ९/५१
