अहिरानी दिन
आज वैस्विक अहिरानी दिन
रोजच अहिरानी.
घरमा,दारम्हा जठेबन तठे,
भेटतीन तठे आपला मान्सेसम्हा,
निव्वय अहिरानीम्हा बोलन पडी,
आजूबाजूना लोकेस्ना पडूद्या कानम्हा.१
आस्सी नेम्मन मज्यानी सोय करा,
माय अहिरानीना आरस्तोल वाढवा,
मी यवढा हाफिसर,मास्तर,गव्हरनर,
हाऊ तोरा मिरावन घालवा.२
अहिरानी जसी सात पुडास्न्या पाटोळ्या,
तसी सात भासास्नी बनेल आपली अहिरानी,
म्हनून कोंथीज भाषाले म्हंथस नयी रानी,
आनी कोन्थीज भाषा नयी एक देसनी.३
म्हनून तिन्ह नाव अहिरानी,
भाषा आख्खा देस कान्हदेसनी,
हाऊ योगायोग नयी,संचित से,
नियतीनी पवचाळेल टिकाळनं से.४
आयसत मायसत नयी सोरट सूटन से,
अहिरानी बोलानी लाज वाटस,
पोकय इच्चार आज सोडना से,
अहिरानी दिन आजपासून पायना से.५
अहिरानीमायना भगत
मझिसु प्रा.मगन सुर्यवंशी
