अहिराणी रचना वास्तव
वास्तव
रम ओडका,बीयर, व्हीस्कीनी किक काही बसत नही
नंबर वन , मॅकडोनाल्ड खिसाले भार सोसत नही॥
अस्सल जंगली मोह न फूल । गावमा कुठे दखात नही ॥
नदी पल्याड हाथभट्टीनी । स्टेटस ले मना शोभत नही॥
उभा जलम गया पेवामा । गावठी शिवाय भागनं नही ।
खंबा इलायती चकना पुढे देशीनी सर येत नही॥
गाव गाडाना जुना सोयरा । कुठे बैठकमा दखात नही ।
गावरान कोंबडी सुकट झिंगा । वास बोंबीलना राहीना नही॥
जावळं जलम ना आणि कंदुरी । थाटीले सरतन दखात नही।
मडकं गाडगं फुटेल बाडगं चुलाना धूर निघत नही॥
हळद लगन नी सात दिवस नी । पिवळा नवरदेव दखात नही।
रुसणं फुगणं वर मायनं । लगण मा गोंधळ राहीना नही॥
गाव गाडा ना पाटील तात्या । सिटी मा बायजा दखात नही।
यात्रा जत्रा आणि बोहाडा । आते बजारले तमाशा येत नही॥
साहेबरावतात्या नंदन ताहाराबादकर नाशिक मो 7507148676