Ahirani Lyrics अहिरानी गीत
अहिरानी गीत
भास्कर
जीव तोडी तोडी सांगे मास्तर
चाल शायम्हा चाल रे भास्कर ||ध्रु||
नको ऱ्हायजो तू बठी घर
चालना जातीन मवरे पोरं
चाल पाठले टांग तू दप्तर ||१||
लागू नको देवू शायनं दुक
करू नको हाई घोड चूक
नै ते हाकलशी भाऊ टॅक्टर ||२||
शिकशन शेनारे वाघीन दूध
मानूस पेताच करस गुरगुर
सांगी ग्यात साहेब बॅरिस्टर ||३||
मायबाप शेतस गरीब तुन्हा
कर इचार त्यास्नी नदारीना
शिकी लिखी बन तू डाक्टर ||४||
पुस्तक वाचानी लाव गोडी
नाद मोबाईलना देना सोडी
काब जागस येडा तू रातभर ||५||
खरं सांगस भाऊ इजू नाना
तेन्ही तयमयले तुम्ही जाना
जिंदगी बनाडा पोरे हो सुंदर ||६||
जीव तोडी तोडी सांगे मास्तर
चाल शायम्हा चाल रे भास्कर
विजय निकम धामणगाव,
चाळीसगाव
मो.नं. ८८८८९४५३३५