खान्देशी अहिराणी कवीता
खेती खेडी ऱ्हायना बैल
सवसार जिंदगीना खेय
कर्ज फेडी ऱ्हायना लेयेलं
कव्हयं डोये डाबरं खोल
पयेसं दुसेर व्हडी बैल…
दुसेर खांदवरनां जोजार
व्हडस गाडानां नेक बैल
व्हस उराये गाड रोज
सवसार भाडानी से जेल…
फिरस व्हडी व्हडी गोल
काढस घानाम्हायीन तेल
व्हडी नाकम्हानी शेल
रोज चाली ऱ्हायना बैल!
ढेकाये फोडी लांघी खोल
पानी जिरस माटी लाल
समायी जिंदिगीना तोल
येल्ट व्हडसं निय्यीं शाल!
आंग शेकी चटका यांयन्हा
धरस झुंगी कर्ज लेयेलं
बैल पयेस आउत जोडी
सोता व्हयी ऱ्हायना झेल!
… नानाभाऊ माळी
(मु.पो.ता.शिंदखेडा,जि.धूळे)
ह.मु. हडपसर,पुणे-४११०२८
दिनांक-१३ फेब्रुवारी २०२४
nanabhaumali.blogspot.com