मन्ही माय अहिरानी ahirani language sentences
मन्ही माय अहिरानी (णी)
माय मन्ही अहिरानी
तिन्ही लागी गोडी माले
माया मायनी बापनी
भेटे तिन्हा उबखाले
न्यारी न्यारी देस बोली
न्यारी तिन्ही लागे चाल
करी देसना सिंगार
जिके हिरदना बोल
हर जीवले देस मान
बोली बोल आदरना
देस जीवले थंडावा
तिन्हा सबद कदरना
मायबोली ना वलावा
देस मनले गारवा
व्हस खुपनारा काटा
उंडायामा बी हिरवा
कायी माटीनी शे शान
मन्हा हिरदनं लेनं (णं)
उतारानं कागदे ते
मायबोली नं माले देनं(णं)
कसा इसरू उपकार
दावं जग तिन्ही माले
तिन्ही राखस मी शान
तिन्हा आभिमान माले
लतिका चौधरी
दोंडाईचा,जि.धुळे
