गर्भमा तुन्हा वं माय
माझी मायबोली अहिराणी भाषेतली कविता..
॥ गर्भमा तुन्हा वं माय ॥
गर्भमा तुन्हा वं माय
स्वर्गना काय व्हता
माय अनी लेकरूना
तो अचुक मेय व्हता..
हात तुन्हा जिव्हायाना
जाणीव पोटमा व्हये
पिरीम अनी ममताना
तो दरवय व्हता..
पोटमा मन्ह ते फिरणं
कायम तुन्ह ते जागणं
दिवस अनी रातना
तो रमता खेय व्हता..
गोड तुन्ह ते हासनं
आनंद माले व्हये
हाशी अनी खुशीना
तो तायमेय व्हता..
कितला मस्त त्या दिवस
पोटमा तुन्हा वं माय
तुन्हा नायले वं एकरुप
हाऊ तुन्हा बाय व्हता..
सुगंधानुज.
नामपुर.ता.सटाणा.जि. नाशिक.
मो.नं.९४२१५०१६९५.