अहिरानी कविता रचना आज आसच
मन्ही अहिरानी रचना
आज आसच
आज आसच येई रहायन मनमा,
आपिन यकदम धाकल व्हयी जाओ,
अनि खुशाल दपी जावो मायना पदरमा,
बापना मार बेपत्ता चुकाडी देवो1
आयसत मायसत सायमा जाओ,
चित नयी लागन कदी सायमा,
मधला सुट्टीमा दोस्तारसंगे पयी जाओ,
साय सुटाना येयले बरोबर घरमा 2
आयतवार देखी मयथरेसले जमाडवो,
हिवायामा मस्त जावो फिराले वावरम्हा,
संगे आक्काडीनी पेटी लयी जावो,
हारबरा भुंजी बानवर खाओ मज्यामा. 3
आस्या गनज सुटी जायेल करी लेवो,
करओ दंगामस्ती वाटस जिवडाले,
दम भरी येयलॉंग मज्या करी लेवो,
गप्प्पागोष्टी करत हसाडवो सगळासले 4
बिगरकामनी लयेर उनिका ली टाकवो कट्टी,
राहवो वाकडा तिकडा दोनचार दिन,
मधला दोस्तारले लायी करी टाकवो बट्टी,
व्हयिका आस येतीन का सोनाना दिन? 5
सपन्मा रंगेल
मझिसु प्रा मगन सुर्यवंशी
